PhD Research ( پی ایچ ڈی تحقیق) By Khurram Bashir

پی ایچ ڈی تحقیق میری روزی روٹی چونکہ تحقیق کے دم سے چل رہی ہے (یا رینگ رہی ہے) تو بہتر سجھا کہ کچھ تجربات یا مشاہدات کا نچوڑ پیش کیا جائے پی ایچ ڈی اور اسکے بعد ریسرچ کرتے وقت یہ باتیں ذہن میں رکھیں تو فائدہ ہوسکتا ہے۔ ریسرچ ایک سنجیدہ کام ہے اسلئے اسے سنجیدگی سے کریں ورنہ نہ کریں ریسرچ شروع کرنے سے پہلے اچھی طرح سوچ لیں کہ آپ یہ کام کرنا چاہتے ہیں یا نہیں۔ کسی کے کہنے سننے سے کوئی بھی کام شروع نہ کریں ریسرچ میں آپکا کام کسی ایک چیز کو ذیادہ سے ذیادہ گہرائی میں اور باریکی سے سمجھنا ہوتا ہے نہ کہ بہت سی چیزوں کو سطحی طور پر سمجھنا کسی بھی چیز کو اچھی طرح سمجھنے کے لئے اسی طرح کام کیا جاتا ہے جسطرح کوئی پزل حل کیا جاتا ہے اور خالی خانے ایک ایک کرکے بھرے جاتے ہیں نہ کہ تمام خانے ایک ہی وقت میں بھرنے کی کوشش پی ایچ ڈی کے طالب علم کو یہ فرض کرلینا چاہئے کہ دنیا کا سب سے اہم کام اسکی اپنی ریسرچ ہے اور باقی کام بعد میں بھی کئے جاسکتے ہیں۔ آپ کی ریسرچ اس وقت تک معتبر نہیں مانی جائے گی جب تک آپ اسے کسی اچھے سائینسی جریدے میں شائع نہیں کردیتے اسکے بغیر آپکے کسی دعوے کی کوئی حثییت نہیں۔ ٹکروں کو حل کرتے ہوئے وقت کا خاص خیال رکھیں ورنہ ہوسکتا ہے جو کام آپ کر رہے ہوں وہی کام کوئی دوسرا سائنسدان آپ سے پہلے شائع کردے۔ مسلسل محنت اور غور فکر کامیابی کی کنجی ہے دوسروں کے تجربات سے سیکھئے کامیابی کا کوئی شارٹ کٹ نہیں ہے محنت کریں اور ہر قسم کے غیر اخلاقی کاموں سے بچیں مثلا کسی بھی قسم کا ڈیٹا بنانے کی ہرگز ہرگز کوشش نہ کریں۔ ناکامی سے ہرگز نہ گھرائیں کہ ہر ناکامی کامیابی کا زینہ بن سکتی ہے۔ اپنے تجربات کو بار بار کر کے پرکھ لیں کہ جو دعوی آپ کر رہے ہی کیا وہ واقعی صیح ہے۔ سب سے اہم یہ ہے کہ تحقیق سے وابستہ روزگار (خاص طور پر بیالوجی میں) بہت ذیادہ پیسہ نہیں ہے اسلئے اگر آپ اس کام سے خوشی کشید نہیں کر سکتے تو بہتر ہے کہ کسی اور روزگار سے وابستہ ہونا بہتر ہوگا۔